مچھروں کو خود سے دور رکھنے کے آسان طریقے
لاہور (نیوز ڈیسک) تفصیلات کے مطابق لہسن کو پانی میں ملا کر اس کو باہر کے بلب کے قریب اسپرے کریں جب وہ بلب گرم ہوں گے تو لہسن کی ایک مدھم بو احاطے میں پھیل جائے گی جو
مچھروں کے ساتھ ساتھ دیگر کیڑوں کو بھی گھر سے دور رکھے گی۔ایک تحقیق کے مطابق دارچینی کا تیل بھی مچھروں کو مارنے کی صلاحیت رکھتا ہے، چوتھائی چائے کے چمچ دارچینی کے تیل کو 4 اونس پانی میں ملائیں اور اپنے گھر کے ارگرد اسپرے کردیں۔
نیم کا تیل مچھروں سے بچانے کا آسان ترین ذریعہ ہے، بس اس تیل کو لباس سے باہر موجود جسمانی حصوں پر لگالیں، مچھر آپ سے دور رہیں گے۔
ایک اسپرے بوتل میں ایک کپ پانی ڈال کر پودینے کے تیل کے چند قطرے شامل کر کے اچھی طرح ہلائیں۔اس کے بعد وہ سیال اپنی جِلد پر اسپرے کریں اور جادو دیکھیں۔پودینے میں موجود کیمیائی مرکبات مچھروں کو آپ سے دور رکھیں گے
اگر مچھر بھگانے والے کوائل نہیں تو کارڈ بورڈ سے بنے انڈے کے کارٹن مددگار ثابت ہو سکتے ہیں۔اس طرح کے کارٹن کو آگ لگائیں اور باہر کسی ایسی محفوظ جگہ پر رکھیں جہاں آگ پھیلنے کا خطرہ نہ ہو۔اس کارٹن کی بو مچھروں کو گھر سے دور رکھے گی
